Det blir garantert dansestemning og skamlaus allsong når Silent Disco Club inviterer til fest på Fjellsportfestivalen. Dei startar festen på dagtid – i Rindabotn!

For når dansegolvet kokar, og det blir sunge og dansa til tre forskjellige låtar samstundes, er det uansett ingen som har tid til å skamma seg. Då har me det berre jævlig, jævlig artig!

Silent Disco Club fungerer slik at alle gjestane får utdelt kvart sitt trådlaust headset, der ein kan velja mellom tre forskjellige kanalar. Fargen på lyset frå headseta indikerer kva for ein DJ ein høyrer på, og på den måten unngår ein å drite seg ut ved å dansa til Backstreet Boys når draumedama høyrer på Beyoncé.

Du kan venta ei salig blanding av sveitte 80-talslåtar, pop-perler frå det deilige 90-talet, hip-hop og R&B, nye og gamle bangers, remiksar, mash-ups, sviskar og andre snurrepiperi.

Oppmøtestad: Garasjen i Dalaloven

Aktivitetsstart: Laurdag kl. 12:00-14:00